4 MURI

Single

Ultimu natu d’una longa tradizione di canti pè i prigiunneri, i « 4 muri » di Doria.
Pè vultà à l’origine ci vole à riculà in 75.
A l’inspensata un venderi d’aostu a Corsica cusi tranquila dà poi un seculu, cusì silenziosa, si disceta è pè a prima volta dapoi 150 anni, Corsi anu dà girà i so fucili versu truppe francese. L’avenimenti d’aleria aprenu un epica nova, quella di u naziunalisimu corsu mudernu è di a rivendicazione armata.
E cun stu cumbugliu, ghjunghjenu e prime arrestazione. A più in vista serà di sicuru quella d’Edmond Simeoni chi s’arrende davanti à a cantina d’Aleria seguitatu passu à passu dà u so fratellu Rolland, baretta incalfata e bandera corsa in manu. U ritrattu face storia.
U mondu culturale corsu di l’epica seguita da vicinu è i gruppi sò assai attivi ind’e l’aiutu di e famiglie di i prigiunneri : in 75 u primu single di canta u populu Corsu esce, si chjama « Aleria » è ghjè publicatu pè aiutà ste famiglie.
Un annu dopu esce « Libertà pè i patriotti » duve l’artisti corsi s’addunniscenu ind’una larga mossa di sustegnu : Ciosi, Petru Dieghi, E Duie Patrizie, GHJacumu Andreani, I Chjami Aghjalesi ci participeghjanu, I muvrini, giovanni giovanni à l’epica ci cantanu pè a prima volta cun lu stessu destinu.
E da tandu, u prublema di i prigiunneri pulitichi vulterà sempre è quasi tutti l’attori culturali di Corsica purteranu a parolla LIBERTÀ nant’e so scenne da L’Arcusi à Mimoria Tramandata chì fecia esce qualchi tempu fà u single « Amnistia » una chjama cume più di 30 anni nanzu quella di Ceccè Buteau à nomme di Canta U Populu Corsu à u théâtre de la ville.
Doria porta a so petra di manera doppiamente rivuluziunaria: à u nivellu di a scrittura ghjè Paul turchi Duriani, un nuvellu di a disciplina, chi porta a prublematica cun assai sensibilità è gallabu, in quant’à a musica ghjè di Doria.
Seranu forse stati sti 40 anni di muchji lentati senza truvà nisuna arrechja pè senteli in Pariggi ch’avarannu purtatu Doria fà cullà u sonnu ?
In tantu « 4muri » Rock on !
(Marc’Andria Castellani).
© DORIA OUSSET - Création STUDIO WMI.com - Crédits photos : Marie-gabrielle TAISNE, CASTALIBRE, Olivier SUBISSI, JGAZ PHOTOGRAPHIE, Maryma MANCINI, CORSICA MEIA.